Әрбір адамның туған қаласына деген сүйіспеншілігі тазалықтан басталуы қажет. Осыны ескерген Қаратау аудан әкімдігі қала күніне орай тазалық жұмыстарын жүргізді.
Іс-шараға 40 аудан қызметкерлері мен 30 ерікті жастар және мердігер мекеме қызметкерлері, аудан тұрғындары қатысты және 15 арнайы теxника жұмылдырылды.
Тазалық барысында тұрғындар көп шоғырланған елді мекендердің аулалары (25 га), ирригация жүйелері (9 км), шөп ору (4 га), ағаш әктеу жұмыстары(900 ағаш) атқарылды.
Сонымен қатар ерікті жастардың қолдауымен 6 тұрмыс жағдайы төмен отбасылардың үйлерін әктеу, сырлау жұмыстарын жүргізді.
«Шымкент – менің қалам» тазалық акция барысында еріктілер өз замандастарының бойына салауатты өмір салтын қалыптастыруды, қоршаған ортаның тазалығын сақтауды үндеді. Акцияға қатысушылардың көркейту, көгалдандыру жұмыстары үзіліссіз жүргізілгенде ғана қаланың жасыл желекке орайтынына, таза мекенге айналатынына көздері жетті. Мұндай шахардың тазалығын сақтауға бағытталған шаралар алдағы уақытта жүргізілетін болады,- дейді Қаратау ауданы әкімдігінің қызметкерлері.
