Әл-фараби ауданы аумағында орналасқан «Түркістан», «Отырар», «Наурыз», «Ескі қала» шағынаудандарында дезинфекциялау жұмыстары жүргізілді. Атқарылған жұмыстар күнделікті өз жалғасын табатын болады. Алайда, тұрғындардан да сақтық шараларды сақталып, аса қажеттілік болмаса үйде отыруға кеңес береміз. Шымкентте «Айна» әмбебап базарында залалсыздандыру шаралары тұрақты жүргізілуде. Шымкент қаласы еңбекші ауданына қарасты айна әмбебап базарында карантин кезіндегі санитарлық нормалар қатаң сақталынған. тұтынушыларға қызмет көрсететін сауда орнында, бекітілген кестеге сәйкес залалсыздандыру жұмыстары тұрақты жүргізіліп жатыр. Сауда орындарында дезинфекция жұмыстары жалғасуда Абай ауданына қарасты бірқатар сауда орындарында, «Авто нұр», «Самал» базарларында дезинфекциялау жұмыстары жүргізілді. Залалсыздандыру жұмыстарын бекітілген кестеге сәйкес арнайы мамандар жүргізуде. олар арнайы техникамен, қорғаушы костюм және дезинфекциялық құралдармен қамтамасыз етілген. Аталған жұмыстар кестеге сәйкес, күнделікті өз жалғасын тауып жатыр. Абай ауданында орналасқан 3-інші, 4-інші және 8-інші шағын аудандардағы көпқабатты тұрғын үйлерде, Қызылжар, Қазығұрт, Ынтымақ, Қатынкөпір, Шұғыла мөлтек аудандарындағы ішкі орамдық көшелерінде дезинфекциялық жұмыстар жасалуда. Аудан бойынша 34 елді мекен, 453 көпқабатты тұрғын үй, 258 аулаға күнделікті қайта залалсыздандыру жұмыстары жүргізілуде.
Залалсыздандыру жұмыстарын «ЛТД Тұрмыс» мекемесінің 3 техникасы және көп қабатты тұрғын үйлерге жасайтын 16 қызметкер жұмылдырылған.
