Шымкент қаласы әкімінің тапсырмасымен 26 маусымнан бастап №4 қалалық емхана жанынан қосымша 3 мекен жайдан 20 орындық күндізгі стационарлар ашылды.
Олар: Володарский 11-де — 7 орындық, Терешкова 196-да — 8, Терешкова 2-де — 5 төсек орынға арналған. Оның ішінде 5 төсек орын балаларға дайындалған. Енді осы мекен-жайларға жақын тұрғындар алысқа бармай-ақ жақын жерде емделе алады.
Жұмыс уақыты 8:00-ден 20:00-ге дейін, сенбі, жексенбі күндері де жұмыс жасайды. Бұл ашылған күндізгі стационарларға Жедел респираторлы вирусты инфекция(J06.8), пневмония (J18.8) белгілерімен келген науқастар кезексіз қабылдып жатыр.
Қазіргі таңда стационарда 8 дәрігер мен 16 медбике 2 ауысыммен жұмыс істеуде.
Емхана барлық қажетті дәрі-дәрмектермен, залалсыздандыру ерітінділерімен, жеке басты қорғау құралдарымен, пульсоксиметр және оттегі жастықшалары мен баллондарымен қамтамасыз етілген.
Сонымен қатар, қала әкімінің тапсырмасымен үйдегі шақыртуларды кезексіз шұғыл түрде қамтамасыз ету мақсатында стационарға автокөлік бөлінді. Учаскелік дәрігерлер тұрғындардан келіп түскен шақыртуларға баруда және диспансерлік есепте тұратын науқастарға тегін дәрі-дәрмектерді үздіксіз жеткізуде.
Айта кетейік, 26 маусымнан бері емханала 67 науқас ем алуда, оның ішінде ЖРВИ — 19, пневмония — 48.
